+994 12 497 01 33
AZ1014, Bakı şəhəri, Səməd Vurğun küçəsi 43, World Business Center.
Xəbərlər

ABA üzv təşkilatların birgə korporativ maraqlarını təmsil edən, onları zəruri və faydalı məlumat və xidmətlərlə təmin edən, bank sektorunun inkişafına xidmət edən, təcrübə, ideya və təşəbbüslərin müzakirə edildiyi platformadır.

Hazırda ABA-nın banklar və üç bank-olmayan kredit təşkilatı, eyni zamanda Azericard MMC olmaqla 33 üzvü var.

ABA-nın tərkibində bu il 20 illik yubileyini qeyd edən Azərbaycan Bank Tədris Mərkəzi, bundan əlavə Banklar və Biznes qəzeti, Banklar və Biznes jurnalı, Milli qəhrəman Mübariz İbrahimovun adını daşıyan Biləsuvar bağça-lisey-məktəb kompleksi kimi törəmə qurumları, “Bank Ombudsmanı” və“ Münsiflər Məhkəməsi” fəaliyyət göstərir.

Eyni zamanda, bank sektorunun qarşısındakı imkanlar və çağırışları müzakirə edən, ideya və təkliflər verən, bankların rəhbər nümayəndələrindən ibarət Ekspert Qrupları da ABA-nın strukturuna daxildir.

ABA çoxsaylı xarici bank assosiasiyaları, beynəlxalq və regional bank birlikləri ilə yaxından əməkdaşlıq edir. Bunlardan Avropa Bankçılıq Federasiyasını və Beynəlxalq Bank Şurasını qeyd etmək olar.

Fəaliyyət göstərdiyi müddətdə ABA Azərbaycan Respublikasının Mərkəzi Bankı, dövlətin digər qanunverici, icraedici və məhkəmə orqanları, ictimai təşkilatlar və beynəlxalq qurumlarla sıx əməkdaşlıq əlaqələri yaratmış və bununla da bank qanunvericiliyinin təkmilləşdirilməsi sahəsində, eləcə də bankların beynəlxalq əlaqələrinin qurulması, bank infrastrukturunun formalaşması, ölkədə həyata keçirilən iqtisadi islahatların bank sektoru tərəfindən dəstəklənməsində əhəmiyyətli işlər görmüşdür.

ABA eyni zamanda çoxsaylı beynəlxalq əhəmiyyətli tədbirlərin təşkilatçılığı və ev sahibliyini həyata keçirir. Bunlardan hər ilin may ayında Bakıda keçirilən Maliyyə və Texnologiyalar Sammiti (FİNTEX SUMMİT) və Beynəlxalq Bankçılıq Forumunu qeyd etmək olar.

Qarşılarında duran prioritet hədəflərimizə ölkədə maliyyə savadlığının artırılması, maliyyə xidmətlərinə əlçatanlığın genişləndirilməsi və sektorda rəqəmsallaşmanın inkişafı, vətəndaşlarımıza müasir və etibarlı bank-maliyyə xidmətlərinin təqdim edilməsi, müştəri məmnunluğunun maksimum təmin edilməsi daxildir.

Fəaliyyət göstərdiyi bütün dövrlərdə ABA öz üzvləri ilə birlikdə bir çox mürəkkəb vəziyyətlərlə qarşılaşmış, Azərbaycan Respublikasının Prezidenti cənab İlham Əliyevin və birinci vitse-prezident Mehriban xanım Əliyevanın diqqət və qayğısı, dövlətimizin dəstəyi, vətəndaşlarımızın anlayışı və öz üzvlərinin birliyi sayəsində onların həllinə nail olmuşdur.

Əminik ki, ABA qlobal səviyyədə yaranmış çətinliklərin ölkəmizə, əhalimizin rifahına və iqtisadiyyatımıza təsirlərinin qarşısının alınması və yarana biləcək mümkün problemlərin həll edilməsinə Azərbaycan Respublikasının Prezidenti cənab İlham Əliyevin uzaqgörən və düşünülmüş siyasəti, bütövlükdə cəmiyyətimizin birliyi və dəstəyi ilə nail olacaq və bu sınaqdan da şərəflə çıxacağdır.

Bank Ombudsmanı olaraq, ABA üzvlərini, onların rəhbərlərini, əməkdaşlarını, ekspert qruplarının üzvlərini bu yubiley münasibətlə təbrik edir və birlikdə olduğumuza görə hər birinə təşəkkür edirik!

 

BİZİMLƏ ƏLAQƏ
AZ1014, Bakı şəhəri, Səməd Vurğun küçəsi 43, World Business Center.
+994 12 497 01 33 
 
XƏRİTƏDƏ GÖSTƏR
2024 © Bank Ombudsmanı | Bütün hüquqlar qorunur! | Marcom